Укучыларга лаеклы пенсия турында

Аларга лаеклы ялга кадәр ерак әле, дияргә була. Чөнки алда – озын тормыш юлы. Ә менә лаеклы пенсияне алдан ук хәстәрләргә кирәк. Менә шул максаттан үткәрелә дә инде укучыларга пенсия грамоталылыгы дәресләре.

Менә шундый чираттагы очрашу Федоровка 1нче мәктәбендә узды. РФ Пенсия фондының Федоровка районындагы идарә начальнигы С. Әхмәров укучыларга пенсиянең ничек формалашуы һәм аның нинди төрләре булуы, аларның аермасы турында җентекләп аңлатты.

- Пенсиянең тупланма өлешен РФ Пенсия фонды идарәсендә яки идарә компанияләренә инвестицияләргә мөмкин. Гражданнар хаклы ялга чыкканда, үзләренең җыелган акчасын алачак, - диде ул.