Аның дәресләрендә сызгырырга да ярый

“Дәфтәл” урынына - “дәфтәр”, “р” һәм “л” авазларын ачык итеп әйтергә, сөйләмдә аларны ботамаска өйрәтә Федоровка укучыларын логопед З. М. Имангулова.

Сузык авазларны сузу, сызгырткычка өрү, бармаклар гимнастикасы, театрлаштырылган күнегүләр балаларга бик ошый. Ә мөлаем Зифа Миңлегали кызы занятиеләрне күңелле һәм кызыклы итеп алып бара. Педагог үз һөнәрен ярата һәм мөһим миссия башкаруы белән бәхетле.