Белем – зур байлык

Соңгы вакытта районның күпчелек почта бүлекчәләрендә әбунәчеләр саны кимүе һәм план үтәү авырлашканнан-авырлаша баруы турында ишетергә туры килә. Шуңа күрә Балыклы почта бүлекчәсеннән дистәдән артык республика һәм район басмаларына язылучы гаилә турында хәбәр иткәч, шушы гаилә белән танышырга ашыктык.

Өйдә йорт хуҗабикәсе Фатыйма апа Латыйпова үзе генә иде. Ире Рәфкать абый корреспонденциянең яңа саннары белән тиз генә танышып чыккан да, балыкка киткән. Ә хатыны берничә журнал һәм гәзит яткан өстәл артында утыра иде.

Бак дисәң, яңа елдан бу гаилә 15тән артык басма алачак, алар арасында яраткан гәзите “Ашкадар таңнары” да бар. Без гәзит-журналларга язылуга Латыйповларның күпме акчасы китүе белән кызыксындык. “Гадәттә, киңкүләм мәгълүмат чараларына без 4000-5000 сум акча тотынабыз. Әмма безгә бер тиен дә жәл түгел. Дөньяда, илдә, республикада ниләр булганын, райондагысын әйтеп торасы да юк, белми ничек яшәп була?” – диде Фатыйма апа. Язылганнардан тыш, ул почтальоннар сатуга куйган гәзит-журналларны да сатып ала.

Әңгәмәбез ахырында хуҗабикә әбунәчеләргә активрак булырга, бер дә икенләнми күбрәк корреспонденциягә, һичшиксез “районкага” язылырга һәм барлык яңалыкларны белеп торырга киңәш итте.