Кадрлар мәсьәләсе ныклы контрольдә

Эчке эшләр органнарында тәрбия эше сүзе астында шәхси составта профессиональ, гражданлык, рухи-психологик сыйфатлар формалаштыру дигәнне күз уңында тотабыз. Шулай ук оператив-хезмәт мәсьәләләрен нәтиҗәле үтәүгә мобилизация һәм хезмәткәрләрнең мәдәнилеген күтәрү дә мөһим.

Шәхси состав белән эш буенча эчке эшләр бүлеге начальнигы ярдәмчесе вазыйфасын башкаручы В. Н. Канайкин белән без бу турыда Федоровка районы полиция бүлегендә сөйләштек.

- Владимир Николаевич, эшегез турында сөйләгез әле.

- Тәү чиратта, бу бүлекнең шәхси составының белем дәрәҗәсен: аның хокукый белемен, юридик грамоталылыгын, кануниятне белү-белмәвен, норматив-хокукый актларны, аларны дөрес аңлап һәм көндәлек эштә файдалануын, аның әхлакый-шәхси торышын, рухи тотрыклылыгын, шулай ук кадрлар составын сайлау һәм бүлүне контрольдә тоту.

- Хезмәткәрләрегезнең яше һәм белеме нинди?

- Уртача – 30 яшьлекләр. Шәхси составның 70 проценты югары белемгә ия, аларның яртысыннан күбесе юридик белемле.

- Бүлек кадрлар белән тулысынча комплектланганмы?