Кышлату йомгаклары турында сөйләделәр

Терлекчелек буенча чираттагы семинар Коры Изәк авылында узды. Мондагы ферма “Үзәк” МТСының Миякә филиалына карый һәм тәүге ел ул алмаш таналар үстерү мәйданы булып тора. Чарага хуҗалык җитәкчеләре, ферма мөдирләре һәм бухгалтерлар чакырылды. Бу ферма үрнәгендә таналарны орлыкландыру, аларны асрау мәсьәләләре каралды, шулай ук районда малларны кышлату буенча йомгак ясалды.Ветеринария хезмәтләре һәм хуҗалыкларның тентлы япма белән металл каркаслы биналарны төзү мөмкинлеге турында сөйләштеләр.

Семинарны авыл хуҗалыгы идарәсе начальнигы Н. Г. Насретдинов ачты. Арытабан ул МТСның Миякә филиалына яңа гына директор итеп тәгаенләнгән А. Х. Садыйковка сүз бирде. Ул язгы басу эшләренә әзерлек барышы, язгы чәчү вакытында филиалның башка хуҗалыкларга ярдәм итү буенча мөмкинлекләре турында сөйләде.

Коры Изәк фермасы мөдире З. З. Йосыпов тармакта эшләр барышы белән кыскача гына таныштырып үтте.

- Берничә ел монда савым сыерлары асралды. Соңгы елларда үгезләр симерттек. Ферма беренче ел гына алмаш таналар үстерү мәйданы булып тора. Бүгенге көндә монда 732 баш мөгезле эре мал, шуларның 400е – таналар, калганнары – бозаулар. Кышны уңышлы чыктык. Мал азыгы җитәрлек. Коллективта 12 кеше намуслы хезмәт сала, - диде Зиннур Зәкәрия улы.

Чакырылучылар маллар асралган кардаларны карап чыкты. Бер үк вакытта ферма мөдире таналарны орлыкландыру сроклары, орлыкландырылган таналарның яше һәм авырлыгы турында сөйләде. Хуҗалыкларның бухгалтерлары ферма мөдиренең документлар алып бару тәртибе белән танышты.

Ветстанция үз чиратында терлек биналарын эшкәртү һәм дезинфекцияләү буенча заманча җиһазлар белән таныштырды. Алар шулай ук җитәкчеләргә санитар эшкәртү буенча тиешле чаралар үткәргәндә автомобиль кузовына урнаштырылган, җиңел генә күчереп йөртердәй савытларны сатып алырга киңәш бирде.

Ветеринария хезмәте белгечләре шулай ук район территориясендә эпидемиологиягә каршы эшләр үткәрү турында да сөйләде.

Семинарда катнашучылар “Илеш РТП”сы җәмгыяте вәкилләре белән очрашты, алар үз чиратында тимер каркаслы тентлы япмалы биналаның һәм корылмаларның өстенлеге турында бәян итте. Арзан, җиңел җитештерү мөмкинлегенә ия булу һәм күпфункциялелек - корылмаларның төп үзенчәлекләре.

Семинарга Авыл хуҗалыгы идарәсе начальнигы Н. Г. Насретдинов йомгак ясады.

Гәрәй ХАЛИТОВ.

Автор фотосы.

Читайте нас:

Оештыручы: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасы "Башкортстан Республикасы" нәшрият йорты дәүләт унитар предприятиесе.

Баш мөхәррир Әхмәрова Гөлфия Фәрвәҗ кызы.

Телефон

8 (34746) 2-72-88 - баш мөхәррир.

Электрон почта

[email protected]

Адресы

453280, Башкортстан Республикасы, Фёдоровка районы, Фёдоровка авылы, Социалистик урамы, 20.

Реклама хезмәте

8 (34746) 2-73-00

Редакция

8 (34746) 2-73-00, 8 (34746) 2-72-88

Кабул итү бүлмәсе

8 (34746) 2-73-00

Хезмәттәшлек

8 (34746) 2-73-00, 8 (34746) 2-72-95

Кадрлар бүлеге

8 (34746) 2-72-94