Балаларны күңелле сабантуй көтә

Шушы көннәрдә Федоровка авылының “Кыңгырау” балалар бакчасында балалар сабантуе үтәчәк. Чараны физик культура буенча инспектор, тәрбиячеләр оештырачак. Бу күңелле спорт чарасы балалар бакчасы мәйданында узачак. Балалар төрле ярышларда, халык уеннарында һәм командалар ярышларында катнашачак.

Яшә, чишмә

Иртәгә Дедово авыл биләмәсе балалары “Яшә, чишмә” экологик өмәдә катнашачак. Алар авыл клубы мөдире О. Мичурина белән бергә Тан чишмәсенә барачак, аны тазартачак, тирә-ягын чүп-чардан арындырачак.