-13 °С
Болытлы
75 лет Победы
Барлык яңалыклар
Җәмгыять
10 октябрь 2019, 13:02

Туган көннәрегез мөбарәк, өстәлләрегез түгәрәк булсын, кадерле юбилярлар!

Коралачык авылы.

Кадерле әтиебез, яраткан бабакаебыз Мортазин Мәхиян Ильяс улын 90 яшьлек юбилее белән котлыйбыз.

90 яшь ул әле картлык микән,

Чал кунган ла чәчләргә.

Ходай безгә гомер бүләк иткән,

Кадерен белеп кирәк яшәргә.

Елмай күбрәк картаюны белми,

Куанып яшә һәр көнгә.

Күңелең синең һәрчак шулай

Ачык булсын һәркемгә.

Оныт әле сагышларны,

Бирелмә төшенкелеккә-

Бездән сиңа шул теләк.

Тагы бик күп, бик күп еллар

Типсен синең йөрәк.

Ходай насыйп итсен “әти” диеп сиңа дәшәргә.

Балаларың, оныкларың, киявең, киленнәрең.


Коралачык авылы.

Ишманов Ягъфәр Сәяфәр улына.

Сине олы бәйрәмең – 60 яшьлек юбилеең белән чын күңелдән котлыйбыз! Сиңа ныклы сәламәтлек, күңел тынычлыгы, ак бәхетләр, балаларыңның һәм оныкларыңның күңел җылысын тоеп, бәхетле озын гомер кичерүеңне телибез.

Һәр яңа көн бәхет алып килсен,

Алсу таңнар күмелсен шатлыкка.

Яшәү дәрте янсын йөрәгеңдә,

Картаерга һич тә ашыкма.

Кызың, киявең, улларың, киленнәрең һәм оныкларың.


Юрматы авылы.

Кулушев Рәүф Гомәр улына.

Юрматы авылы мәктәбе коллективы Сезне 50 яшьлек юбилеегыз белән котлый.

Илле яшь ул – бары ярты гомер,

Алда көтсен тагын иллесе.

Ходай Сезгә озын гомер бирсен,

Озын гомер – бәхет билгесе.

Булсын ул илле, тулсын ул илле…

Бәхет бизәсен якты күңелне.

Яшәү ялкыны сүнә белмәсен,

Җырлап каршы алыгыз тагын иллене.

Алыгыз сез бездән тәбрик сүзен,

Шушы булсын олы бүләкләр.

Тыныч тормыш белән гел шат яшәү,

Озын гомер Сезгә теләкләр.


Балыклы авылы.

Ямалетдинов Фәнил Сабирҗан улына.

Кадерле туганыбызны 60 яшьлек олы юбилее белән ихлас тәбриклибез.

Шушы истәлекле көндә бәхетләрдән, шатлык-куанычлардан гына тукылган озын гомер, ныклы сәламәтлек, изге ниятләреңнең тормышка ашуын, һәр башланган эшеңә уңышлар юлдаш булуын телибез. Туганнарыңның ихтирамына сөенеп, озын-озак яшә,

Күрмә, туганыбыз, бер дә бәла-каза,

Саулык, бәхет булсын янәшә.

Ходай озын гомер насыйп итсен,

Рәхәтләнеп җирдә йөз яшә.

Барлык туганнарың исеменнән сеңелең Зөлфия.


Федоровка авылы.

Иң якын кешебез – сөекле тормыш иптәшем, кадерле әниебез, кызым, киленем – Хәмитова Лилия Равил кызын күркәм алтын юбилее белән котлыйбыз. Тормышның бар матурлыгын тоеп, сау-сәламәт булып, озын-озак еллар яшәвеңне телибез. Ачык йөзле, шат күңелле, оста куллы, кешелекле һәм кечелекле кадерлебез! Син бар дөнья көзге муллыкка тулган мәлдә тугансың. Шуңадырмы, күңелең киң, яратуың яшәүгә көч бирә, хөрмәтең, хәстәрең барыбызга да җитә, күңелебезне җылыта.

Гаиләбезнең нуры булып, барлык якыннарны берләштереп торучы изге җан син. Барысы өчен дә зур рәхмәт. Бәхет-шатлыкка күмелеп яшә дә яшә әле!

Бүгенге көн беркайчан да

Онытылмый торган көн.

Әй, сөеклем, бердәнберем,

Ул бит синең туган көн.

Көннәремә, төннәремә

Нур өстәүче син бит ул!

Шуңа синең туган көнең

Иң-иң изге көн бит ул!

Син булмасаң, сөеклем, дип

Мин кемгә дәшәр идем?

Мәхәббәтнең бөек көчен

Тоймыйча яшәр идем.

Минем чиксез шатлыгым да,

Бәхетем дә син бит ул.

Шуңа синең туган көнең

Иң-иң изге көн бит ул.

Туган көнең – бер бизәге

Мәхәббәтле елларның.

Ярый әле син тугансың,

Ярый әле мин бармын.

Иң изге теләкләр белән тормыш иптәшең Рәмил, балаларың Илдар, Булат, әниең, каенанаң.



Динес авылы.

Кантимерова Фирүзә Сәмигулла кызына.

Кадерле әниебезне, әбиебезне чын күңелдән 80 яшьлек юбилее белән котлыйбыз.

Туган көнең белән тәбрик итәбез

Сәламәтлек теләп иң элек.

Һәрбер көнең үтсен бәхет белән,

Яшә шатлыкларга төренеп.

Йөрәкләрдән чыккан назлы сүзләр,

Күңелләрдә булган саф хисләр!

Озын гомер, якты матур тормыш-

Бездән сиңа әйтер теләкләр.

Бәхетле бул!!!

Изге теләкләр белән улың Әнвәр, оныкларың Алик, Айнур Кантимеровлар.


Федоровка авылы.

Хәмитова Лилия Равил кызына.

Сөекле кызымны, иң кече, иң яраткан сеңелебезне күркәм юбилее белән котлыйбыз.

Ходай, ахры, сине шулай

Соклансыннар өчен яраткан.

Яраткан да читтән карап торып

Соклангандыр үзе азактан.

Күңелеңдә көз муллыгы, яз җылысы,

Күңелеңнән безгә нур ага.

Изге җаннар кебек саф күңелле

Ярый син бар әле дөньяда.

Өмет тулы язлар көтсен, әйдә,

Ә көннәрең булсын уңышлы.

Бәхет-шатлыкларга күмелеп яшә,

Бизәп яшә безнең тормышны.

Әниең, Мөхәммәтҗановлар, Зәйнуллиннар, Сәйфуллиннар, барлык иркәләрең.


Коралачык авылы.

Хәйбуллина Гөлнур Ширияз кызына.

Хөрмәтле Гөлнур Ширияз кызы! Туган көнегез – юбилеегыз котлы булсын!

Бүгенге гомер мизгелегезнең матур бәйрәме, хатын-кызның акыл туплаган, асыл, иң күркәм чоры. Киләчәктә дә сәламәтлек, җан тынычлыгы, яңадан-яңа куанычлар, мул тормыш телибез.

Бәхетле булыгыз, уңыш янәш барсын,

Теләкләрегез кабул булсыннар!

Шатлыкларда туган һәрбер көнегез

Нурлар сибеп, назга тулсыннар!

Иң изге теләкләр белән Коралачык мәктәбе коллективы.
Читайте нас в