Санлы телевидениегә күчү – Радий Хәбировның контролендә

Башкортстан Башлыгы республика Хөкүмәтендә оператив киңәшмәдә республикада аналоглы телевидениены сүндерү процедурасы ничек үткәреләчәге хакында доклад бирүләрен сорады.

“Аз керемле кешеләр өчен күчү авырга туры килмәсен өчен без аларга ярдәм итәбез. 7 меңнән артык йорт хуҗалыгы ярдәмебездән файдаланды. Өлкән яшьтәге, мобиль булмаган гражданнарга волонтерлар ярдәмгә килә. Бер төбәктә дә волонтерлар болай эшләми”, - дип билгеләде республика Башлыгы Радий Хәбиров.

Бүген, 14 октябрьдә, республикада аналоглы телерадиотапшыруларны сүндерү башланачак. Федераль телеканалларның аналоглы тапшырулары сүндереләчәк. Санлы эфирлы тапшыруга күчеп өлгермәгән телетамашачылар телевизорлары экраннарында 13 минутлык ролик күрәчәк, анда төбәкнең аналоглы тапшырулардан санлыга күчүен аңлатачаклар.

Яңалык һәм фото чыганагы: https://gtrk.tv/