Владимир Путин Индонезия Президенты белән G20 эше турында фикер алышты

Кремль хәбәр итүенчә, Русия Президенты Владимир Путин Индонезия башлыгы Джоко Видодо белән сөйләшү барышында G20 эше турында фикер алышкан, лидерлар алга таба багланышлар турында килешкән.

"Русия-Индонезия хезмәттәшлеге мәсьәләләре, шулай ук Джакартаның «Егермелек төркемендә» рәислеген исәпкә алып, бу берләшмә эшчәнлегенең төрле аспектлары турында фикер алышынды", – диелә хәбәрдә.

Видодо үтенече буенча Русия Президенты Украинада барган махсус хәрби операциянең агымдагы торышы турында сөйләде.

Мәгълүмат чыганагы: https://www.rbc.ru/rbcfreenews/626abe699a794797eb6de652

Фото: Михаил Метцель / ТАСС