Нәүрүз бәйрәме үткәрделәр

23 мартта Батыр авыл мәдәният йортында күңелле Нәүрүз бәйрәме белән кышны озаттылар. Авылның актив халкы уеннарда, ярминкәдә катнашты, концерт карады. Чара чәй өстәле артында тәмамланды.Шул ук вакытта “Аманат” халык театры Туфан Миңнуллин пьесасы буенча куелган “Ай булмаса, йолдыз бар” спектакле белән (сәхнәгә куючы режиссеры Гөлнара Халитова, рәссамы Илдус Халитов) күрше авыллар буйлап гастрольләрдә йөри, тулы заллар җыя. Күптән түгел Динес авылында булдылар, ә 31 мартта Бала Чытырманда чыгыш ясаячаклар. Афәрин, батырлар!!!