Халыкара гаилә көне!

Бу бәйрәм 1994 елдан башлап ел саен майның унбишендә билгеләнә. Ул һәр кешенең тормышында гаиләнең мөһимлеге турында уйланырга, якын кешеләреңә игътибар бүләргә мөмкинлек бирә. Бу көнне гаилә кыйммәтләренә багышланган төрле конкурслар, дискуссияләр, концертлар оештырыла. Бу чараларның максаты – ата-аналар һәм балалар мөнәсәбәтенең дөрес моделен кертү, үсеп килүче буында рухи кыйммәтләрне тәрбияләү, гаилә мөнәсәбәтләре институтының мөһимлеген ныгыту.