Урындагы Советлар депутатларына кандидатлар белән очрашу

Федоровка 1нче мәктәбенең утырышлар залында урындагы Советлар депутатларына кандидатларның “Бердәм Русия” партиясенең урындагы бүлекчәсе секретаре В.Ф. Насретдинов һәм район Советы секретаре В.М. Халитов белән очрашуы булды. Венер Фәрит улы үзенең чыгышында актив депутатларның районның үсешендә, гомум алганда республика һәм ил буенча позитив рольләре, алдагы мәсьәләләрне тормышка ашыруда, урындагы инициативаларга ярдәм итү дәүләт программаларын үтәү буенча аларга зур өметләр баглаулары турында сөйләде. Шулай ук аеруча актив, районыбыз халкы мәнфәгатендә реаль эшләре белән билгеләнгән җәмәгатьчелек вәкилләрен хакимиятнең һәм район Советының Рәхмәт хатлары белән бүләкләделәр.