Авылдашларын сыйладылар

Менә инде берничә ел Балыклыбаш авылыннан Мөрсәлимов Фәйрүз абый, бәйрәм көнендә корбан чалып, авыл халкы, чакырылган кунаклар өчен яланда аш үткәрә. Быел корбанны Фәйрүз абый һәм Исмәгыйлев Вәсил чалдылар. Яңгырдан да куркып тормый, ачык һавада өстәлләр тезеп, ашлар, пылау пешереп, чәйләр кайнатып, килгән бар халыкны кунак иттеләр, сыйладылар. Бу изге эштә аларга туганнары, авыл хатын-кызлары ярдәм итте.