Бу бик шәп булды!

Бала Чытырман авылы мәктәбе укучыларының күңелендә 20 октябрьдә республика башкаласының “Нефтяник” стадионында булган “Уфа” – “ЦСКА” матчына бару онытылмаслык вакыйга булып уелып калгандыр.Бу “Бердәм Русия” партиясе оештыручылары аркасында мөмкин булды. Җиденче сыйныф укучылары һәм активистлар футболчыларның мавыктыргыч уенын карады. Районыбыз җанатарлары чын күңелдән “Уфа” командасын хуплап утырды. Матч 1:1 исәбе белән тәмамланды. Балалар өйләренә тәэссоратларга баеп, уен буенча фикерләре белән бүлешеп кайттылар. Бу бик шәп булды!