Русия һәм Башкортстан халыклары йолаларын яхшы беләсезме?

Моны “Зур этнографик диктант”та катнашып белеп булачак. Халыкара акцияне 1 ноябрьдә Федоровка үзәк китапханәсе үткәрә.

Мәдәни-агарту чарасы Русиядә яшәүче халыклар турында белем дәрәҗәсен, этномәдәни грамоталылыкның гомум дәрәҗәсен бәяләргә мөмкинлек бирәчәк. Катнашучыларга Русия һәм Башкортстан халыклары тарихына, йолаларына, традицияләренә, мәдәниятләренә, телләренә багышланган 30 сораудан торган тестны үтәргә кирәк булачак. Аны үтәүгә 45 минут вакыт биреләчәк. Диктантта катнашырга теләүчеләр 10.00-10.45 сәгатьтә җыела һәм теркәү саны ала. Диктант 11.00 сәгатьтә башлана.

Барыгыз да этнографик диктантка килегез!