36 меңнән артык кеше утсыз калды

Башкортстанда көчле җил котыра.

Республикада иртәннән башлап котырган көчле җил аркасында электр челтәрләре өзелә һәм бүлү челтәрләрендә күпләп аварияләр күзәтелә. Бу хакта Башкортстан электр челтәре компаниясенең матбугат хезмәте хәбәр итә.Хәзерге вакытта 158 торак пунктның көнкүреш кулланучылары, 36 600 кеше утсыз калды.

“БЭСК” оешмасы компанияләр төркеме белгечләре аварияләрне оператив бетерү өчен барлык кирәкле чараларны куллана. Предприятиедә әйтүләренчә, аварияләрне бетерүдә 339 кеше һәм 168 берәмлек техника эшли, -дип яза "Кызыл таң" гәзите.

Фото: ачык чыганактан.