Ә сез фейерверкларны дөрес очырдыгызмы?

БР буенча Эчке эшләр министрлыгында Уфадагы торак йортка фейерверк белән кем атуын полицейскилар ачыклаячагын хәбәр иттеләр. Бу турыда РИА Новости агентлыгы яза.

Хәтерегезгә төшерәбез, берничә көн элек социаль челтәрләрдә фейерверкның торак йортның нәкъ тәрәзәләре янында шартлавын күрсәткән видеоны күреп булды. Бу шартлаулардан бинаның ал ягы зыян күргән.

“Бу вакыйга турындагы мәгълүмат интернет челтәрен күзәтү нәтиҗәсендә ачыкланды. Әлеге вакытта тикшерү эшләре бара. Аның йомгаклары буенча процессуаль карар кабул ителәчәк”, - дигәннәр РИА Новостига Башкортстан буенча Эчке эшләр министрлыгының мәгълүмат хезмәтендә.

Яңалык һәм видео чыганагы: https://ria.ru/

Фото чыганагы: https://vk.com/bashdtp