Биш көнлек ук атнасына күчәбез

Районыбыз мәктәпләренең төп һәм урта звеносы 5 көнлек уку атнасына яңа 2019-2020 уку елыннан күчәчәк. Шимбә көнне булган дәресләргә килгәндә, аларны атнаның башка көннәренә күчерәчәкләр. Шул ук вакытта белем бирү учреждениеләре җитәкчеләре бар кирәкле санитар нормаларны да үтәргә тиешләр. Шимбә көнне дәресләр урынына балалар төрле мәктәп чараларында катнашачак, спорт белән шөгыльләнәчәк, туган якның мәдәниятын өйрәнәчәк.