Ике машина бәрелешкән

24 октябрьдә Федоровка-Новоселка автоюлының 2нче километрында “ВАЗ-111130” һәм “ВАЗ-2106” маркалы автомобильләр бәрелешкән. Ике машинаның да водительләре төрле тән җәрәхәтләре белән үзәк район дәваханәсенә мөрәҗәгать иткән. Аларның берсе авыр тән җәрәхәтләре алган.

Конкурста катнашачак

Федоровка авылының “Кыңгырау” балалар бакчасының физкультура буенча инструкторы Ф. М. Гафарова “Ел педагогы - 2017” республика конкурсында катнашачак. Хәзерге вакытта Фәния Муса кызы аңа әзерлек эшләре белән мәшгуль.