Татлы ризыклар яратучылар өчен

Шушы көннәрдә Өчбүләк авылында “Бүләк” кулинария цехы эшли башлады. Монда поварлар милли ризык – бавырсак пешерәчәкләр. Ул экологик чиста продуктлардан, үзенчәлекле, яңа рецепт буенча эшләнәчәк. Шушы татлы ризыкны авыл хуҗалыгы ярминкәсендә авыз итә алачаксыз.

Балаларга – тарихи шәхесләр турында

3 ноябрьдә Федоровка авылының “Кыңгырау” балалар бакчасының барлык төркемнәрендә дә (иң кечкенәләрдән тыш) Халыклар бердәмлеге көненә багышлап күңел ачу чаралары үтәчәк. Балалар Туган ил, халыклар дуслыгы турында җырлар җырлаячак, шигырьләр сөйләячәк, ә тәрбиячеләр сәүдәгәрләр старостасы К. Минин һәм кенәз Д. Пожарский турында сөйләячәк.