Грант от!

«iВолга» форумы – кызыклы автор проектлары булган катнашучылар өчен аларны артабан тормышка ашыруга грант оту мөмкинлеге. Ул 26 июльдән 4 августка кадәр барачак. Идел буе федераль округының иң күләмле форумында катнашу бушлай. Тулырак мәгълүмат ivolgaforum.ru сайтында.

Тагы безнекеләрнең җиңүе хакында
Күмертау шәһәрендә «Күмертау авиация җитештерү предприятиесе» җәмгыяте призына тиз шахматлар буенча Ачык турнир үтте. «Гамбит» шахмат клубында тәрбияләнүче балалар (җитәкчеләре Д.Ш. Кашаев) анда уңышлы чыгыш ясады. 10 яшькә кадәрге кызлар арасында Хәйбуллина Айзилә (Фёдоровка 2нче мәктәбе, 3 сыйныф) өченче урынны яулады. 10 яшькә кадәрге малайлар арасында дүртенче урынга Рәхмәтуллин Ислам (Фёдоровка 2нче мәктәбе, 3 сыйныф) чыкты.