-24 °С
Болытлы
75 лет Победы
Барлык яңалыклар
Онлайн-хәбәрләр
29 гыйнвар 2019, 13:21

Сөягемә кадәр өшедем!...

Көннәр суык

Хәлне үзгәртеп буламы?


Урамда салкын. Өйгә кайтып җиткәнче, нык кына өшедегез. Икенче көнне авырып ятасыгыз көн кебек ачык. Хәлне үзгәртеп буламы? Әлбәттә!

• Тиз генә өс киемнәрегезне салып, җылы кием киегез. Ә аннары кайнар чәй ясагыз. Аны кура җиләге кайнатмасы, бал яисә лимон белән, йотымлап кына эчегез. Мондый очракта кофе эчәргә киңәш ителми.

• Бераз җылынганнан соң гына аякларыгызны “кайнар ванна”га тыгыгыз. Бу процедураны кайтып керү белән эшләргә ярамый. Кискен температура үзгәрешенең организмга зыян китерүе бар. Суның җылылыгын 37 градустан 45 градуска кадәр акрынлап арттырыгыз. 8-10 минуттан аякларны ныклап корытып, җылы оек киегез.

• Мөмкинлек булса, тулысынча ванна керү дә файдалы булачак. Суга шалфей төнәтмәсе кайнатып салыгыз.

• Ятыр алдыннан оекларга бер-ике чәй калагы горчица салырга мөмкин. Ул да аякларга җылы биреп торачак.

Салкыннарда кысып-сылашып тормаган, иркен, җылы кием киеп йөрергә тырышыгыз! Өшемәгез һәм сәламәт булыгыз!

"Кызыл таң"нан.
Читайте нас в