Русиялеләр быел ук милли проектларны тормышка ашыру нәтиҗәләрен күрергә тиеш

Майдагы указны үтәү буенча милли проектларны тормышка ашыру быел ук уңай нәтиҗәләрен бирергә тиеш.“Һәр милли проектны тормышка ашыруда уңышка ирешү бик мөһим. Билгеләнгән максатларга ирешү өчен ышанычлы адымнар белән алга барырга кирәк. Гражданнарыбыз быел ук безнең бердәм эшебезнең чын, уңай нәтиҗәләрен күрергә тиеш”, - ди В. В. Путин. Шуңа бәйле, ул парламентарийларны “урыннарда кешеләр проблемаларына җитди игътибар бирергә, үзләренең сайлаучылары белән тыгыз бәйләнештә булырга” өндәде.