Путин май аеннан соң тәүге тапкыр Шольц белән сөйләште

Русия Президенты Владимир Путин Германия канцлеры Олаф Шольц белән телефон аша сөйләште. Бу хакта ГФР Хөкүмәтендә хәбәр иттеләр, дип белдерде ТАСС.

Сәясәтчеләр Украинадагы хәл турында фикер алышты. Шольц конфликтны дипломатик яктан җайга салу яклы икәнен белдерде. Ул шулай ук Запорожье атом электр станциясенең хәвефсезлеген тәэмин итәргә чакырды.

Шольц һәм Путинның дөнья базарына азык-төлек озатуга бәйле хәлне тикшерүләре дә билгеле.

Фото чыганагы: https://lenta.ru/news/2022/09/13/scholz_putin/

Михаил Метцель фотосы/ POOL / ТАСС.