Майда башкорт теле буенча халыкара диктант үтәчәк

Быел беренче тапкыр башкорт теле буенча диктант халыкара статусын алачак. Ул 18 майда үтәчәк. Безнең районда диктант язу мәйданчыклары Юлдаш, Сәет, Батыр, Яңа Явыш, Бала Чытырман авылларында һәм Федоровка 1нче мәктәбендә урнашачак. Үз белемнәрен теләгән бер кеше килеп тикшерә ала. Текст һәм аны укучыларның кандидатуралары әлегә билгеле түгел. Мондый диктантның төп максаты – республика халыклары телләрен саклау һәм үстерү, башкорт халкының рухи мәдәниятен пропагандалау, халыкның тел мәдәнияте дәрәҗәсен арттыру.