Яңартылган кое күз явын алып тора

Менә шундый матур беседканы күрә ала хәзер Федоровка авылы һәм районы халкы Коммунистик урамы буенча дәваханә ягына күтәрелгәндә юлдан сул якта. Күпләр, мөгаен, бу кое яныннан еш кына үткәндер, аның нинди торышта булганлыгын хәтерлидер. Хәзер ул чүкеп ясалган бизәкле, ачык яшел төсле коймасы белән күзнең явын алып тора. Нәкъ шундый ук беседкалар тагы ике урында – Киров һәм Октябрьская урамнарында урнашкан коеларда барлыкка килде. Аларны шушы көннәрдә Федоровка авыл советы заказы буенча “Монтажсервис” җәмгыяте төзекләндерде.