Чүплекне “җиңеп” булачак

29 майда Федоровка чүплеге биләмәсендә экология өмәсе үтте. Берничә сәгать эшләп, авыл советы, пенсия фонды, район хакимияте, район китапханәсе һәм башка оешмалар хезмәткәрләре еллар буе җыелган, таралып яткан чүпне җыйды.Кайсыбер кешеләр һаман чүпләрен үзләре ташый, аны юл буена ук ташлап китәләр. Нәтиҗәдә ул бар якын-тирәгә таралган. Өмәдә чүпнең күп өлеше җыелды, әмма ул бетәрлек түгел. Шуңа да әгәр халыкның теләге бар икән, мондый өмәне кабатлап, чүплекне “җиңәргә” мөмкин.