Ял көннәре вакыйгаларга бай булды!

“Ашкадар таңнары” район гәзите редакциясе Сабантуйда Русия Почтасы бүлекчәсе һәм “Бердәм Русия” партиясенең урындагы бүлекчәсе белән берлектә палатка корды. Анда гәзитебезгә язылып була иде.Редакция хезмәткәрләре өчен үткән атнада ял көннәре вакыйгаларга бай булды. Аларга Сабантуйда булган барлык хәлләрне фотокамерага төшерергә, ял көннәрендә текстларын язарга, ә дүшәмбе көнне – бүген – иртәгә сез гәзитне укый алсын өчен, аны ясап типографиягә җибәрергә кирәк иде! Моннан тыш, ял итеп, тәмле шашлык ашап, хуш исле чәй белән кәефне күтәреп, халык уеннарында катнашып өлгерәселәре дә бар иде.