Районыбызда программалар ничек тормышка ашырыла?

«Бердәм Русия» Бөтенрусия сәяси партиясенең “Реаль эшләр” проектына һәм Урындагы инициативаларга ярдәм итү программасына кергән объектлар буенча чираттагы рейд булды. Җәмәгатьчеләр редакция вәкиле белән бергәләп Гончаровка, Веселовка, Алешкино, Акбулат, Новоселка, Батыр һәм Коралачык авылларына барды. Программаларда катнашучы башка объектларга да бару планлаштырыла. Башлыча, бу проектлар буенча мәктәпләрнең, фельдшер-акушерлык пунктларының түбәләрен ремонтлау, җылыту казанлыкларын, тәрәзәләрен алмаштыру ниятләнә. Бу турыда тулырак гәзитебезнең киләсе саннарында укырсыз.