Юрковкада филләр дә, аюлар да бар...

Әйе, нәкъ шулай. Алар Ложкиннарның йорты алдында “яши”. “Каян килеп чыккан алар?”, - дип аптырарсыз сез. Тропик урманнан түгел, әлбәттә. Аларны үз куллары белән Валентина Васильевна һәм Николай Леонтьевич булдырган. Автоюл читендә, йортлары территориясендә хайваннар саны ел саен арта бара. Быел, мәсәлән, панда, фил һәм носорог барлыкка килгән. Хуҗалар аларны кул астындагы материаллардан ясаган, хайваннарга кирәкле форманы биреп, тиешле төсләргә буяган.