Таза авыл – безнең тырышлык нәтиҗәсе

Бүген иртәнге сәгать унда федоровкалылар туган авылларын җыештырырга чыкты. Бар җирдә дә: район мәдәният йорты каршындагы мәйданда, урамнарда, оешмалар янындагы территорияләрдә эш кайный. Газ участогы, “Кыңгырау” балалар бакчасы, пенсия фонды, район гәзите редакциясе, Федоровка районы МР хакимияте, авыл хуҗалыгы идарәсе, янгын часте, авыл советы, Юл төзү-ремонтлау идарәсе хезмәткәрләре коллектив бакчалардан чүплеккә кадәр юл буеннан чүп җыйды, тәртипкә китерде. Яхшы нәтиҗәгә ирешер өчен барсы да тырышты. Өмәләр авылны тазартып кына калмый, кешеләрне берләштерә дә. Без шуны аңларга тиеш, чиста авыл – безнең тырышлыгыбыз нәтиҗәсе.