Матур тәэссоратлар һәм истәлеккә фото

Уфа халкының һәм кунакларының футбол буенча FIFA дөнья чемпионаты Кубогын күрү һәм, хәтта, аның янында фотога төшү мөмкинлеге булды. Мондый бәхет Сәет авылыннан Ф. Х. Әлимгуҗинга да елмайды.

- Мондый очрак гомергә бер генә була. Кубок эргәсендә тору – ул зур бәхет һәм уңыш. Мин анда булуым белән бәхетле. Тәэссоратларны һәм хис-тойгыларны сүз белән генә әйтеп аңлатырлык түгел, - диде ул (фотода).

Фәргать Хантимер улы футболны һәм спортны үз итә. Ул спорт, олимпиада уеннары һәм төрле Чемпионатлар, башка ярышлар тарихлары белән яхшы таныш. Шуңа күрә дә викторинада катнашып, андагы сорауларга җиңел җавап бирә алган. Ир узаманының һәвәскәр футболчы булуын әйтеп үтәргә кирәк – ул район ярышларында даими катнашучы.