Уфада пенсионерлар Спартакиадасы узачак

24-27 августта Уфада Русия пенсионерларының VI Спартакиадасы узачак. Русия пенсионерлары союзы хәбәр итүенчә, “көмеш” яшьтәге спортчылар өчен ярышларга Русиянең 75 төбәгеннән һәм чит илләрдән 700 катнашучы киләчәк.

Сербиядән, Чехиядән, Германиядән, Финляндиядән, Бөек Британиядән, Литвадан, Франциядән, Әрмәнстаннан вәкилләр катнашуларын раслады. Чараны РФ Пенсия фонды ярдәме белән Русия Федерациясе Спорт министрлыгы, Башкортстан Республикасы Хөкүмәте, Русия пенсионерлары союзы оештыра.

Хәтерегезгә төшерәбез, сәламәт тормышның озайлылыгын арттыру – “Демография” милли проектының өстенлекле мәсьәләләренең берсе булып тора.

#национальныепроекты