Табигать кочагындагы бер йортта...

Ирле-хатынлы Ванюшиннар Старая Николаевка авылында яши. Бәләкәй генә авыл өендә аларның гаилә тормышы алты ел элек башлана. Йөзләрчә башка гаиләләрдән берние белән дә аерылып тормаган, ниндидер батырлыклар һәм күренекле гамәлләр кылмаган гади генә гаилә бу. Аның төп гаилә кыйммәтләре – мәхәббәт, балалар һәм хезмәт.

Гаилә башлыгы Андрей Старая Николаевкада туып-үскән. Мәктәпне тәмамлаганнан соң армиядә хезмәт итеп кайткан. Себергә йөреп эшләгән, аннары берничә ел Салаватта төзелеш комбинатында хезмәт салган. Әмма кайда гына йөрсә дә, туган яклары тарткан.