Үзен чәчәкләргә багышлый

Гавриловка авылыннан Мария Лысечконың ихатасы күзнең явын алырлык. Мария Ивановна гомере буена “Гавриловка” җәмгыятендә бухгалтер булып эшләгән, әле ул лаеклы ялда. Барлык буш вакытын диярлек бакчасына, чәчәкләренә багышлый тиктормас апа. Кунакчыл, эшсөяр хуҗабикәнең ихатасында көзгә кадәр петунияләр, астралар, искиткеч раузалар һәм башка чәчәкләр хуш исләрен таратып утыра.