Тәмле итеп әзерләнгән ризыкны укучылар да яратып ашый

Мәкаләбез героинясы авылдашына кияүгә чыга. Яшь гаилә Юлдашта төпләнә. Монда Дания үзләштергән һөнәргә ихтыяҗ булмый, әлбәттә. Эшсез калмас өчен ул Дедово училищесында аш пешерүчелр курсын тәмамлый, аннары мәктәпкә җыештыручы булып урнаша, вакантлы урын барлыкка килгәч ашханәгә күчә. Һәм менә 24 ел инде балаларны файдалы, тәмле ризыклары белән сөендерә.
- Безнең эштә иң мөһиме-балаларны ярату, пешергән ризыкны ашап бетерсәләр, шатланам, - ди Дания Миңлеәхмәт кызы.
Мәктәп директоры Зәйнәб Морзабаева да пешекчене тырыш, уңган, җаваплы, ди.
- Белгечтән уңдык, эш урынында һәрвакыт пөхтәлек, ул үз эшенең остасы. Ризык сыйфатыннан балалар да, ата-аналар да канәгать- ди Зәйнәб Радик кызы.
Кайчандыр Юлдаш авылы мәгариф учреждениесендә укучылар бихисап була, пешекченең эше көнозынына сузыла иде. Әмма елдан-ел укучылар саны кими бара (бу район үзәгеннән ерак урнашкан авыл биләмәләренең зур проблемаларның берсе), шуңа күрә хәзер Дания Миңлеәхмәт кызы бары тик иртәнге ашны гына әзерли. Эшкә сәгать унга килә, балаларны, укытучыларны ашатып, савыт-сабасын юып, җыештырып, кәгазь эшенә керешә. Кирәкле документацияне тутырып, меню төзеп, азык-төлек хисабы белән шөгыльләнә

Автор фотосы.
Эш урынында күтәренке кәеф белән.

- Һәр хәрәкәттә ниндидер яңалык булырга тиеш. Мин республика Башлыгы буларак эшли башлаган чакта, хәлләр мөшкел иде. Һәм ниндидер мизгелдә без, миңа калса, бердәм туклану стандартына күчеп, системаны азмы- күпме булдырдык. Шул ук вакытта без балаларның туклануын индивидуальләштерәбез. Гомумән, Башкортстанның мәктәптә туклану системасы - Русиядә иң яхшысы.
(Башкортстан Башлыгы Радий Хәбировның 2024 елның 3 декабрендәге «туры линия» чыгышыннан)