Башкортстан Республикасы Аскын районы Кубияз авылында мәдәният йорты сәхнәсен ремонтлау бара

Биредә халык көче белән мәдәният йортының сәхнәсен ремонтлыйлар. Тиздән «Мәдәният» гомумдәүләт проектының «Кече Ватан мәдәнияте» төбәк проекты кысаларында матди-техник база яңартылачак.

Мәдәният йортында яңа яктылык, тавыш, механик җиһазлар, сәхнә киемнәре, тамаша залында кәнәфиләр барлыкка киләчәк. Уен кораллары һәм милли костюмнар да кайтарылачак. Финанслауның гомум суммасы 4 миллион сумга якын. Бер-ике айдан чараларны кубиязлылар яңартылган мәдәният йортында үткәрәчәк.

Мәдәният, спорт һәм яшьләр сәясәте идарәсе  мәгълүматлары буенча, Кубияз авылы мәдәният йорты буенча «Мәдәният учреждениеләре реновациясе» федераль программасында катнашуга заявка бирелгән.

Яңалык һәм фото чыганагы: https://askino.bashkortostan.ru/