"Җыр кешегә һәрчак ярдәм итә",- диләр

 Авыл өлкәннәре хөрмәтенә ике зур чара үткәрделәр. 30 сентябрьдә «Гөлнәзирә» авыл хатын-кызлар вокаль ансамбле җитәкчесе Гөлнара Зәйнәгабдинова пенсионерлар һәм ветераннар өчен халык һәм популяр эстрада җырлары белән концерт оештырды. Чарада мәктәп укучылары да катнашты.
1 октябрьдә «Агинәйзәр»фольклор ансамбле халык җырлары белән шундый ук күңелле чара үткәрде. Бергәләшеп җырлар җырладылар, рәхәтләнеп биеделәр, сөйләштеләр. Ике очрашу да авылның оста хуҗабикәләре әзерләгән тәмле ризыклы мул табын артында узды.  "Тынгысыз һәм хәвефле чорда мондый чаралар халыкны берләштерә, көч бирә”, - дип яза безгә Рәдифә Юлдашбаева.

Гөлрәйхан Бакиева.