«Бердәмлек. Гражданлык. Патриотлык»

Бүген Уфада Башкортстанның 100 еллыгына багышланган «Бердәмлек. Гражданлык. Патриотлык» халыкара форумын ачу тантанасы булды. Аның эшендә Башкортстаннан һәм Русия Федерациясе составындагы башка милли автономияләрдән, СНГ илләреннән галимнәр, дәүләт төзелешенең тарих, юридик, икътисад, идарә итү мәсьәләләре, милли сәясәт өлкәләре белгечләре һ.б. катнашачак. Шулай ук пленар өлеш, җиде секция утырышы, «Бөек Русия революциясе 1917-1921: Евразия халыкларының тарихи сайлавы» симпозиумы, студентлар һәм аспирантларның фәнни сессиясе булачак.Районыбыздан делегат булып район башкортлары Корылтаеның башкарма комитеты рәисе А.М. Тәтегәчева барды.