Башкортстанда йөк машиналарына чикләүләр кертелә

2019 елның 1-30 апрелендә Башкортстанда йөк транспорты хәрәкәтенә вакытлыча чикләүләр кертелә. Чаралар төбәк һәм муниципальара тәгаенләнешендәге юлларны саклауга юнәлтелгән. Бу чикләү Башкортстан Республикасы Хөкүмәтенең 2019 елның 15 февралендәге 82нче карарына ярашлы кертелә.

Чикләү язын юл полотносын саклау максатында булдырыла һәм авыр йөкләр ташучы транспорт чараларына кагыла. Йөк машиналарының төбәк һәм муниципальара тәгаенләнешендәге уртак кулланылыштагы юллар буенча йөрүе тик автомобиль юлларына китерелгән зыянны каплаганнан һәм дәүләт пошлинасын түләгәннән соң махсус рөхсәт алгач кына мөмкин.Язын хәрәкәтне вакытлыча чикләү киләсе транспорт чараларына кагылмый:

-пассажир автобуслары, шул исәптән халыкара пассажир автобуслары;

-азык-төлек, маллар, дару препаратлары, ягулык (бензин, дизель ягулыгы, реактив двигательләр өчен ягулык һ.б.), орлык фонды, ашламалар, авыл хуҗалыгы маллары һәм кош-корт өчен мал азыгы, почта һәм почта йөкләре ташучы транспорт;

-авыл хуҗалыгы эшләре белән мәшгуль булган авыл хуҗалыгы техникасы;

-гадәттән тыш хәлләр эземтәләрен бетерүдә кирәкле техника;

-автомобиль юлларында авария-тергезү һәм ремонт эшләрен башкаруда кулланылучы юл-төзелеш һәм юл-файдалану техникасы һәм материалларын транспортировкалау;

-федераль закон белән хәрби хезмәт каралган башкарма власть федераль органнары транспорт чаралары.