Бүген ВДНХ ЭКСПО УФА күргәзмәләр комплексында Русия нефть-газ-химия форумы һәм XXVII Халыкара махсуслаштырылган “Газ. Нефть. Технологии-2019” күргәзмәсе эшли башлады

Форум һәм күргәзмә – Русиянең 37 төбәгеннән 350 катнашучы компаниядән һәм 10 илдән шушы өлкәнең дәүләт, фән, сәнәгать һәм бизнестагы экспертларын берләштерүче эре һөнәри платформа. Бизнес-миссяләр белән Уфага Финляндиядән, Кытайдан, Беларусь Республикасыннан, Пермь өлкәсеннән һәм башка җирләрдән делегатлар килде. Бүгенгә Башкортстан компанияләре вәкилләренең башка илләрдән, Русиянең башка төбәкләреннән партнерлары белән очрашулар планлаштырылган, берничә килешүгә кул куелачак.