Торак-коммуналь хуҗалык фонды Башкортстанның гражданнарны авария хәлендәге торактан күчерү өчен финанс ярдәм бирүгә заявкасын хуплады

БР Төзелеш һәм архитектура буенча дәүләт комитетының мәгълүмат хезмәте хәбәр итүенчә, Торак-коммуналь хуҗалык фонды Башкортстан Республикасының гражданнарның 2017 елның 1 гыйнварына кадәр авария хәлендәге дип табылган торактан күчерү өчен финанс ярдәм бирүгә заявкасын хуплаган. Башкортстан Республикасы Торак-коммуналь хуҗалык фондыннан 282,42 млн сум алачак. Финанслашу тәртибендә төбәк 63,4 млн сум өстиячәк. Бу акчалар 10 муниципаль берләшмә территориясендә гомум мәйданы 8,38 мең квадрат метр булган авария хәлендәге 206 торактан 666 кешене күчерүгә юнәлтеләчәк.

Хәтерегезгә төшерәбез, Башкортстан Республикасында “Торак һәм шәһәр мохите” милли проекты кысаларында авария хәлендәге торактан 2500дән артык граждан күчереләчәк. 2019-2024 елларга авария хәлендәге торактан күчерү буенча адреслы программа расланды. Ул мохтаҗ гаиләләргә 923 фатир тапшырырга мөмкинлек бирәчәк. Яшәү өчен яраксыз булган торактан гаиләләрне күчерүгә бюджеттан 1,6 млрд сум бүленә. Программага 2017 елның 1 гыйнварына кадәр авария хәлендә һәм сүтелергә тиешле дип табылган күпфатирлы йортлар кертелгән.

Программаны финанслауның гомум күләме 1649,22 млн сум, шул исәптән Торак-коммуналь хуҗалыкка ярдәм фондыннан 1346,87 млн сум, Башкортстан Республикасы бюджеты акчасы – 27,48 млн сум, муниципаль берләшмәләр бюджеты акчасы – 274,87 млн сум.

2008-2016 елларда Башкортстан Республикасында гражданнарны авария хәлендәге торактан күчерү программасын тормышка ашыру өчен Фонд акчасы исәбеннән 9,17 млрд сум бүленгән иде. Финанслашу тәртибендә төбәк 10,04 млрд сум өстәде. Бу акчалар гомум мәйданы 560,06 мең квадрат метр булган 14527 авария хәлендәге торактан 40845 кешене күчерүгә юнәлтелде.