Уфада һәм Стәрлетамакта быел 760 млн сумга җиде яңа юл төзиячәкләр

Төбәкнең эре шәһәрләрендә җиде яңа юл төзиячәкләр, дип хәбәр итте хөкүмәттәге оператив киңәшмәдә Дәүләт төзелеш һәм архитектура комитеты җитәкчесе вазыйфасын башкаручы Марат Әхмәдуллин. Бу объектларны төзү “Торак һәм шәһәр мохите” милли проекты буенча 671,3 млн сумга финанслана. Республика бюджеты 91,5 млн сум өстәде.

Әлеге вакытта алты контракт төзелгән. Җиденчесе сметаны киредән исәпләү аркасында әлегә төзелмәгән.

Контрактларга ярашлы, эшләр агымдагы елның азагына кадәр башкарылырга тиеш.