Путин балага пособиены 50 сумнан яшәү минимумына кадәр арттыру турындагы законга кул куйды

Русия Президенты Владимир Путин мохтаҗлылык критериен үзгәртү исәбенә (РФ субъектында яшәү минимумының бер ярым тапкырдан ике тапкыр күләменә кадәр) беренче һәм икенче балаларына пособиелар алучы гаиләләрнең санын арттыручы законга кул куйды.

Шул ук вакытта мондый гаиләләр өчен яшь ярымнан өч яшькә кадәрге беренче һәм икенче балаларына төбәктәге яшәү минимумы күләмендә ай саен түләнүче түләүләр кертелә.

Моңа кадәр ай саен түләү алуга тик гаиләнең бер әгъзасына килем төбәктәге эшкә сәләтле халык өчен яшәү минимумының бер ярым тапкыр күләменнән артмаган гаиләләр генә хокуклы иде. Яңа документ түләүне күбрәк русиялеләргә алу хокугын бирәчәк: аны эшкә сәләтле халык өчен яшәү минимумыннан ике тапкырга кимрәк күләмдә килеме булган гаиләләр ала алачак.