Путин рус теле буенча президент карамагындагы Советның составын раслады

Владимир Путин рус теле буенча президент карамагындагы Советның составын раслады, ярашлы мәгълүмат хокуки мәгълүмат рәсми порталында урнаштырылган.

Указга ярашлы, Советның рәисе итеп РФ президенты советнигы Владимир Толстой, рәис урынбасары итеп Русия фәннәр академиясенең Виноградов исемендәге рус теле Институты фәнни җитәкчесе Александр Молдован, секретаре итеп – Пушкин дәүләт музее директоры Евгений Богатырев билгеләнгән.

Моннан тыш, Совет составына Телне өйрәнү Институтының милли-тел мөнәсәбәтләре буенча Фәнни-тикшеренү үзәге өлкән фәнни хезмәткәре Владимир Алпатов, Берләшкән гуманитар нәшриятнең баш редакторы Максим Амелин, Ломоносов исемендәге Мәскәү дәүләт университетының журналистика факультеты деканы Елена Вартанова, Санкт-Петербург дәүләт университеты президенты Людмила Вербицкая, язучы Игорь Волгин һәм башкалар керде.

Путин шулай ук Советның ведомствоара комиссиясенең эшмәкәрлеге юнәлешләрен раслады. Алар рус телен яклау һәм аңа ярдәм итү тармагында дәүләт сәясәте, аны чит илләрдә үстерү белән шөгыльләнәчәк.

Икенче карары белән Путин Советның президиумы советын раслады. Анда, аерып алганда, Толстой, Молдован, Богатырев һәм Вартанова керде.