Уфаның “Торатау” конгресс-холлында “Минем бизнес” үзәге ачылды

Кичә, 4 сентябрьдә, Уфа шәһәренең “Торатау” конгресс-холлында “Минем бизнес” үзәге ачылды.

Яңа үзәк “Башкортстанда кече һәм урта эшкуарлыкны үстерү һәм аңа булышлык итү” программасы аркасында ачылды. Бу программа республикабызда Русия Президенты Владимир Путинның кушуы буенча эшләнгән “Кече һәм урта эшкуарлык” милли проекты кысаларында тормышка ашырыла.

“Минем бизнес” үзәгенә мөрәҗәгать итүчеләр финанс ярдәме күрсәтү, финанс планлаштыру, маркетинг озату, кече һәм урта эшкуарлыкны мәгълүмати һәм юридик яктан озату, персонал сайлау мәсьәләләре буенча консультация ала алачак. Шулай ук уку да мөмкин булачак.

#национальныепроекты