Диетологлар спорт белән шөгыльләнмичә ничек ябыгырга мөмкин булуын сөйләде

Диетологлар спорт белән шөгыльләнмичә ничек ябыгырга мөмкин булуын сөйләде. Киңәшләр Food.news порталында чыкты. «Аксымга бай ризыклар – кош ите, балык ашарга кирәк. Альтернатива сыйфатында тофу, борчак, фасоль, нут, чиа орлыгы, чикләвек, тозсыз арахис һәм кабак орлыгы кулланырга мөмкин. Моннан тыш, чикләнгән вакыт булганда, өзек туклану режимы ярдәм итәчәк. Мисал өчен, 18.00 сәгатьтән соң ашамаска кирәк», — ди табиблар. Альтернатива өчен диетологлар атнага өч тапкыр тәүлеклек 25 процент калорияле ризык ашарга, ә калган көннәрдә гадәти режимда тукланырга тәкъдим итә. Белгечләр шулай ук стресстан качарга киңәш итә, чөнки алар аппетит уята. Йокы режимын нормальләштерү дә авырлыкны киметүгә ярдәм итә ала.

Мәгълүмат: tatar-inform.tatar

Tatar Today - татар яңалыклары.